'प्रहरीमा जस्तो जालझेल छैन धनुकाँडमा'
![Image](https://blogger.googleusercontent.com/img/b/R29vZ2xl/AVvXsEipoYt3mb52RU1ss6o0nZvBmD4O4UNsuK0Y8uKQbzSrf4j7DQNUO8epP0QtTv3xrE0xnqT2JHaYwwLubJ7_Y4EdF0KH4nNQTqgr1pkjy4OxA119gUELd-moeREjGlRuHbwXq_jN_rUB2Th8/s400/ram+kaji+bantawa.jpg)
पूर्व एआईजी रामकाजी बान्तवा (रुङमाहाङ) सुन्दर खनाल/सुजित महत काठमाडौ, भाद्र १८ - प्रहरीको जागिर छाड्ने हठात निर्णयसँगै उनले एक महिना बिदा र राजीनामाको निवेदन लेखे । र, घर बसे । जागिर नछाड भन्ने सल्लाह दिन साथीभाइ आएकोआयै भएर हलचल गर्न नपाएपछि उनी पत्नीलाई लिएर सुटुक्क पोखरा हानिए । त्यहाँ तुरुन्तै मन बस्यो विल्कुल नौलो चिज, धनुकाँड अर्थात् आर्चरीमा । सलाम, सान र चाहेमा दामको समेत कमी नहुने प्रहरीको हाकिम र धनुकाँड खेल्ने साठी नाघेका वृद्ध । यी दुई फरक परिचयमा तत्कालीन एआईजी रामकाजी बान्तवालाई पछिल्लै मन पर्यो । 'प्रहरीमा जस्तो धनुकाँडमा जालझेल छैन,' उनले भने ।